前日財爺阿松同公務員事務局局長王永平齊齊約見多個公務員團體。聞說阿松主要係畀機會啲公務員團體消消氣，講吓減薪嘅不滿意見，點知申訴大會竟變成篤背脊大會。各工會頭頭齊齊喺阿松面前「插」政務官，話啲高官外行領導內行，搞到一鑊泡。銀行界出身嘅阿松自然聽到好自在，席上嘅平叔就口黑面黑。
阿松要處理財赤問題，外界都預計佢會搵公務員開刀，識做嘅阿松自然先搵啲公務員見吓面，會上重只聽唔多講，畀啲人盡訴心中氣，點知會上好似公務員總工會主席張國標等，話政府搞咁多檢討，不如檢討吓政務官制度。
E-mail：