八方噚日喺金鐘萬豪酒店見到煲呔曾急急腳走過，聽講係趕住去一個招待會。哈！唔知邊個咁有面子！八方後來問清楚，知道佢原來出席東方報業集團電子報推介招待會。
曾司長來也匆匆，去也匆匆，逗留咗七、八分鐘就走。八方多口問佢嚟做乜，佢話不時都有出席呢類場合，八方跟住問佢做乜咁快走，煲呔就話：「你又問我點解嚟，又問我點解咁快就走！」
曾司長嘅新聞秘書Cathy朱都有陪老闆嚟，佢解釋話老闆本來要出席立法會嘅特首答問大會，唔得閒嚟，但既然主人家盛意拳拳邀請，就抽些少時間出席啦。Cathy又強調，曾司長經常都會出席私人機構或上市公司嘅活動場合，傳媒機構亦唔例外，過去曾經接受過《南華早報》、《文匯報》同《星島日報》嘅邀請。
E-mail：