國際貨幣會（IMF）班專家真係杞人憂天，竟然擔心香港啲財政赤字，佢哋都唔知香港幾有米、班官幾豪氣。
好似噚日立法會講嗰個中型監獄，政府打算用百六億（應該未計地價），起座新監獄安頓七千二百個監犯。咁大筆投資，啲官長咪當買棵菜咁。百六億有幾多錢？如果用嚟照顧啲失業市民，開二十萬個新職位，每人五千蚊月薪，足夠令香港有一年零四個月冇晒失業問題。
咁啲犯人住得迫，啲監獄又舊嘛。八方諗諗又係道理，但新界個乜嘢江嗰度咁僻，不如喺半山替每個監犯買間細細哋嘅單位過佢哋，一人用二百二十萬，七千二人，百六億有找。使乜咁麻煩起樓，重可以托市呢！
E-mail：