下周四（年初三）便是情人節，社交雜誌《HongKongTatler》為預祝這佳節，前晚假蘭桂坊舉行派對，送出禮品予十對甜蜜愛侶。得獎者向均羚透露，男友最愛入廚，縱使食物簡單，亦令她十分感動。
社交雜誌《HongKongTatler》前晚假蘭桂坊舉行派對，預祝情人佳節，並率先選出「十大甜蜜愛侶」，送出情人節禮品予城中十對情侶夫婦，場面溫馨熱鬧。
其中向華強千金向均羚（Candy）與未婚夫葉駒騰（Clayton）、全國政協委員雲大棉兒子雲維恩、何婉薇夫婦等俱榜上有名（詳見附表）。
Candy與Clayton表示下周四的情人節對他們來說別有意義，因這天剛好正是兩人拍拖一周年的日子。問二人打算如何慶祝，Clayton說：「我已經買咗禮物，重有神秘安排㖭！」但卻表示為保神秘不肯透露詳情。
而在旁的Candy坦言對男友十分滿意，她說：「我脾氣都幾大，但係佢好就得我。有一樣嘢幾特別嘅係，佢好鍾意煮嘢食𠱁我，佢嘅拿手菜係炒蛋同埋煮公仔麵，雖然係啲咁簡單嘅食物，但係見佢煮嗰時嗰份心機，真係好感動。重有，食完之後佢重會爭住洗埋碗，真係perfect！」
前晚出席派對的，尚包括張惠妹前男友周立璟，他與GSpot老闆Gordon及職員Mirian一同抵達，但一度被誤會Mirian是其新女友。
記者問周立璟有沒有見前度女友張惠妹？他說：「梗係有啦，佢係我公司藝人嚟㗎嘛！」再問他兩人會否復合？周立璟則答：「我冇諗過呢個問題喎！」至於農曆新年，周立璟表示朋友多在香港，故亦會在港度歲。