徐子淇幼年曾被犬隻所嚇，因此有心理陰影。但近期她每次回港做騷，主辦機構都安排她與狗同行，久而久之，子淇已漸漸開始克服了怕狗的心理障礙，她早前為婚紗雜誌拍照，穿上婚紗，更拖着小狗，子淇謂跟小狗合作後，更有抱牠回家的衝動。
徐子淇由於幼年時曾被狗嚇過，所以形成她對狗隻有陰影。不過近期徐子淇似乎已克服了恐懼狗隻的心理，繼上次大除夕抱住狗兒行天橋後，早前她趁假期回港拍廣告賺錢，還抽空為最新一期《新婚通信》做模特兒，伊人穿上性感婚紗之餘，更拖住一隻可愛的西施狗「豬仔」，畫面十分活潑。
徐子淇在拍攝期間，跟西施狗「豬仔」玩得十分開心，她日前接受記者長途電話訪問時說：「同我合作嗰隻西施狗好肥、好乖同好為食。我以前真係唔鍾意同狗影相，但呢次之後，我簡直想抱咗佢返屋企。呢隻狗又嗲又肥，成隻豬仔咁cute，成日要扭計攞嘢食同抱抱，見到佢咁乖，我都好錫佢。」
去年聖誕徐子淇回港時，不知是否因為已適應彼邦的校園生活，心廣體胖起來，更長了一個小肚腩。眼見自己要替內地一服裝品牌拍廣告，徐子淇於是要地獄式減肥，她說：「我之前因為唔適應英國太凍天氣，不停飲熱朱古力保暖，結果咪肥咗囉。我上次返嚟即刻報名去跳健康舞班，日日去減肥，費事上鏡唔靚。」為保持優美身形，徐子淇現在每星期抽三日跳健康舞。
徐子淇在英國修讀經濟課程，她表示學成後應不會全身投入娛樂圈，她說：「我好想學以致用，況且我覺得呢個圈嘅安全感唔大，或者兼職都幾好。」
採訪：比華利