昨日田北俊田北辰母親田榮志文喪禮，極盡哀榮。佢兩兄弟於商界及政壇有所成就，田老太應該好安慰，含笑九泉。
喪禮場面當然唔嘢小，雖然有成排啹喀兵守衞，謝絕傳媒入內，但八方都見到啲花牌多到排出街，前來弔唁嘅政經名人，八方更係睇到眼花都數唔清：政界有議員范太、楊孝華、劉慧卿、張文光、單仲偕；行會成員方黃吉雯、梁振英、王䓪鳴、鍾瑞明、楊鐵樑夫婦；官員有梁愛詩、張建宗、胡國興、楊永強、葉劉淑儀；商界有鄭裕彤鄭家純父子、李澤楷、吳光正、黃志祥、馮國經，重有近期惹火人物楊啟彥，連填詞人林慕德都有到，原來他與田家第二代是同學。
靈堂之上，阿董嘅花牌放在右排第一位置，煲呔和阿松嘅花牌則位於左側。誠哥和陳四萬都有送花牌。田老太今日大殮，應該重有唔少知名人士露面，阿董會否送老太最後一程呢？
E-mail：