新鴻基地產昨日在會展新翼大禮堂搞周年晚宴，但由於新地一向低調，所以只有兩、三名記者到場，唔似上次長實的周年晚宴般吸引大批傳媒。晚宴喺晚上七點半開始，唔知係咪碰巧新意網四點半在新鴻基中心公布業績，新意網董事總經理晏孝華一早就過咗去會展，八方重見佢喺大堂等老婆。
至於陳鉅源、黃奕鑑、周國賢及董子豪等一眾新地高層，差不多七點就到，至於郭炳湘同郭炳江就收到風有傳媒守候，所以一落車就行入𨋢，三弟郭炳聯就遲咗少少，結果行電梯俾八方捉到，由於趕住入席，所以亦冇乜嘢講。
晚宴時郭炳湘向一眾新地員工致辭時話，911事件令市道差咗，但新地業績仍良好，都係多謝員工合作，希望各員工今年繼續努力，佢重好高興話今年集團攞咗好多獎，都係全靠員工。
E-mail：