立春剛過，春夏新裝又登場，信和（083）今個禮拜六就響小西灣藍灣半島搞咗個「鄧達智2002年春夏時裝展」，重請咗9位名人做model，包括Rosemary、楊崢、陳嘉容等，演繹鄧達智最新設計的時裝。
今年1月份一手樓市雖見放緩，但中原地產西半山干德道美滿分行（A）組，就做到超過187萬元佣金，為各分行之冠，該分行主力攻區內的寶翠園外，亦跨區做九龍站擎天半島、小西灣藍灣半島同將軍澳中心等一手盤。今年重有大把新盤推出，睇嚟其他分行都會響呢方面諗諗點搞。
另外，中原大埔康樂園分行就做到119萬元佣金，排第二位。
年近歲晚，市民好多都選擇外遊，鴻運地產田國強就一家三口會去日本滑雪。今年樓市都未有太大起色，地產代理高層就趁農曆年較淡靜嘅日子放吓假充吓電。
中國海外（688）在內地起咗唔少樓，其中位於四川成都嘅「中海名城」，就獲得去年成都樓市總評榜「十大金獎樓盤」、「十大群眾喜愛盤」同「最佳傳媒推薦獎」等多個獎項，可見佢哋啲盤都好受歡迎。
蘭西