喺2003年初，世界車壇將會出現一股新勢力；呢部新車除個子細小，兼造型極富跑味之餘，佢重有甚具跑味嘅車廂布局，另外重擁有高達150匹嘅馬力輸出；佢係邊個？之唔係全新嘅FiestaST150囉！
從預想圖中可以睇到，福特FiestaST150雖保留原有Fiesta嬌少嘅外形，但配以三門設計、全車包圍及巨型跑車胎軨組合，一派高性能跑車形象可謂表露無遺；車廂設備亦能將其跑車身分表露出嚟，消息指新車除備有仿桶形跑車座椅等配備外，更有跑車腳踏等裝備，但由於新車仍在設計階段，故其確實配搭仍有待廠方公布後方可作實。然而，預計新車將會起用一台2.0公升Duratec引擎，馬力輸出約為150匹，因而令新車嘅極速更高達200km/h。有興趣嘅車迷，不妨拭目以待喇。