相戀十月麗莎難捨舊愛
尼古拉斯慘遭貓王女拋棄

金像影帝尼古拉斯基治（NicolasCage），自去年四月與貓王皮禮士利（ElvisPresley）的女兒麗莎瑪莉（LisaMariePresley）開始戀情後，二人一直感情穩定，早前更有傳聞指尼古拉斯已與麗莎訂婚。
但前日尼古拉斯卻透過發言人發表聲明，指他與麗莎已在兩周前分手，結束二人為時十個月的戀情。

女方主動分手
綜合外電報道，前日尼古拉斯的發言人表示：「尼古拉斯已經同麗莎瑪莉喺兩星期前，結束咗佢哋十個月嘅戀情，佢哋希望大家仍然可以保持好朋友關係。」
而據英國《太陽報》報道，今次分手其實是由麗莎提出，據知她更已火速回到前未婚夫歌手JohnOszajca身邊，二人還一起在洛杉磯度周末。一位尼古拉斯的朋友透露說：「尼古拉斯一直以為佢哋嘅關係好好，亦好投入呢段情，當麗莎話唔想再同佢一齊嘅時候，佢真係好難過。」
三十八歲的尼古拉斯與三十四歲的麗莎，去年七月手牽手出席貓王慈善基金活動，兩人戀情才正式曝光。