近期各大台都冇乜動靜，除咗有啲台玩番舊橋，用$0機價谷高價Plan外，成個市都靜如死水。近日王子發現「生果台」搞緊個Promote，凡用正價選購雙頻手機，只需交一個月台費及$58短訊組合，就可以免費得到Casio嘅電子手帳數碼相機MC-21。呢部機年幾前齋賣都要成兩千幾銀㗎，況且又唔使合約，送畀你愛嚟擺都有賺啦！王子格過價，出部NEC嘅「低B」5000，加埋首月最低Plan$158以及包300個短訊嘅$58組合，千鬆啲蚊就有埋部相機。搞到王子都想放咗手頭上OutOut哋嘅8250㖭！相信呢篇出街後都冇乜貨嘞，祝大家好運啦！