近期，寶馬代理連番出擊，除推出Facelifted新版3系，以及全新7系隆重登場之外，佢哋連番將3系車價下調，更吸引到唔少車迷追捧㖭！至於新納入寶馬旗下嘅英國MiniCooper，自去年預售大收旺場後，寶馬代理正積極搵新舖，皆因MiniCooper嘅客路同寶馬車唔同嘛！
而亞Mark最近收到風，話佢哋經已幫MiniCooper覓得新舖啦！位置喺邊？咪喺香港汽車一條街嘅告士打道囉！至於個Location係靠近銅鑼灣方向，即舊有愛快響華懋世紀廣場嘅地下陳列室，有成2千呎咁大地方㗎，相信屆時除咗擺新MiniCooper之餘，剛落實規格嘅CooperS小跑車，同一眾MiniCooper迷喜歡嘅精品，都可以共冶一爐啦！