呢間新店夠晒Cutie，「米公公」主理米線、飯麵同小食，「甜婆婆」供應糖水、糕點及燉品，「糖水十式」更是一大傑作。室內環境橙黃色添溫暖，梳化座椅夠舒適。加上由早開到深夜，玩到幾夜都可以嚟歎一歎。今個星期四、五更有新張全店半價優惠㖭！
記者：鄭潔兒 攝影：伍慶泉
雲南米線可選清湯、辣湯或豬骨湯底，這豬軟骨取自豬仔肋骨，以豉油、糖、洋葱和薑等熬到骨肉軟腍腍。
將雞翼拆骨釀入餃子，以豉油汁燒，的的骰骰味道濃郁，啖啖肉！
沒有七色彩虹卻有七款精美甜品：蓮子百合紅豆沙、綠豆沙、馬蹄清心丸綠豆爽、腐竹白果糖水、椰汁麥米紫米露、冰涼的芒果西柚楊枝金露和滋潤雪耳燉木瓜，試勻咁多口味都只係$58。
店名：米公公甜婆婆
電話：28388006
地址：銅鑼灣登龍街21-23號地下