賀歲港產片《嫁個有錢人》、《口歷咕口歷咕新年財》和《天下無雙》，論卡士三片都十分吸引。前晚《嫁》片更搶先首映，並會於明日搶閘上映，鄭秀文還以暫不再與任賢齊合作來增加《嫁》片的吸引力，而有份參與演出的蘇民峰，更以測字的形式預言《嫁》片會跑出。
由鄭秀文（Sammi）和任賢齊主演的賀歲片《嫁個有錢人》，前晚率先在灣仔會展搞首映，而劉德華和梁詠琪主演的《嚦咕嚦咕新年財》，及王菲、趙薇和梁朝偉合作的《天下無雙》，則分別於昨晚和明晚首映。《嫁》片亦會搶先在明日上映，其他兩套會在後日上映。
若以卡士論，《天》片則最勁，有新聞人物趙薇，影帝梁朝偉及王菲。但《嚦》題材較有趣，講述劉德華打牌贏有錢人錢來劫富濟貧，反映小市民心聲。《嫁》片則以遠赴意大利取景較優勝，Sammi更以暫不再與任賢齊合作來吸引觀眾買飛入場。
前晚Sammi、任賢齊、導演谷德昭和蘇民峰等，出席於灣仔會展中心劇院舉行的《嫁》片首映。Sammi認為三套賀歲片都很有實力，她說：「我自己冇壓力，已經盡咗力，其他嘢順其自然，話我有票房保證係外間講嘅啫，一套電影嘅成功係要講整體合作嘅。」
Sammi與王菲由唱片鬥到電影，對此Sammi回應說：「呢啲係傳媒嘅形容詞，我自己就冇呢方面嘅鬥爭，希望觀眾捧場睇我套戲啦，好唔好睇唔緊要，最緊要捧場。其實《天》片嘅卡士都幾吸引，我都會去睇，至於《嚦》片，如果我唔睇，杜琪峯實殺咗我吖！」
問有份客串《嫁》片的堪輿家蘇民峰，從堪輿學來講那一套戲會跑出時，他說：「《嚦》片同《嫁》片叮噹馬頭，但《嫁》片會贏少少，因為今年最利係屬木，跟住係火，而《嫁》片嘅『嫁個有』三個字都係屬木，加上鄭秀文、谷德昭同我都行緊運，冇理由唔得。
「《嚦》片都唔錯，嚦字屬火，咕字屬木，劉德華又行緊運，佢同鄭秀文嘅運程叮噹馬頭。《天》片個名就冇咁好，只得天字係屬火，加上王菲𠵱家嘅運程普通，偉仔忌火，反而趙薇行緊個人高峯運，呢套戲有機會彈咗佢出嚟。」
此外，《嚦咕嚦咕新年財》昨晚在灣仔會展首映，劉德華、劉青雲、梁詠琪及應采兒等主角均有出席，關之琳亦來捧場。電影播放前，眾主角先作個人表演，如應采兒演唱《一個人的精采》、劉青雲表演跳舞等。
電影《嫁個有錢人》講述石油氣舖老闆阿Me（鄭秀文飾），一直想嫁個有錢人，還特別坐頭等機位飛往意大利米蘭找有錢人，結果碰上有錢公子阿誕（任賢齊飾），並發生一段浪漫戀情，其尋找有錢男友的橋段，與藤原紀香主演的日劇《與億萬富翁結婚的方法》及松山鳥菜菜子的《大和撫子》頗相似。
採訪：魯 萍、張止寒
攝影：仇志德、陳烱威