美股惹禍，港股沙塵滾滾，恒指埋單唔係低位，只係唔見112點，收10609。恒指最低10541，未破10500。期指雖曾低破10500（見10467），最後都以10569收市。若然今個跌潮，能止於恒指10500，則不妨細細注揀啲Call輪做世界。
和黃（013）最低69.25元，收69.75元。去年11月，和黃最低68.50元。睇多兩日，除咗睇恒指守唔守得住10500，睇埋和黃守唔守得住68.50元。兩者如果守得住，則博和黃Call輪。
和黃Call輪，主角係9050，成交金額最勁係佢，收66仙，又唔見6仙，創登場以來最低收市價，同最高比較唔見34%。8月到期，溢價10.9%，槓桿率10.6倍。
上實（363）逆市升15仙。3隻Call輪9092、9090、9126，有升有跌有唔郁。
9126升3.8%，溢價19.1倍（槓桿率7倍），跟唔過。要揀，揀9092，現價25仙，8月到期，溢價5.9%，槓桿率6.1倍，數據至靚係呢件，衰在交投小。上實Call輪，冇隻買賣熱鬧。