無見袁仁祥一排，碰面第一個話題就係「奪命一月」效應，連佢都話被感染，生意由聖誕打後急挫，一月份靜到全日開唔到單都試過，佢話全零售行都係，冇人走得甩。
不過袁仁祥話行內已有人靜極思動，趁巿淡開拓新入貨途徑。𠵱家巿面啲裏原宿水貨店九成日本返貨，就算日圓跌每次機票食宿都唔平，每水貨要清七、八成先唔使蝕，最慘係撞口撞面香港同行，競爭太大。勤奮嘅香港人點會守株待兔，其實有人已經轉飛倫敦入貨，嗰邊有間HideOut好出名，同樣有好多裏原宿牌子賣，如Bape、GE、（W）taps等等，價錢和日本相若，最正係唔使點排隊就可以原價買到，唔使去炒舖接貨咁大風險，碰面嘅亦只係日本仔炒家，好少撞見香港人咁面懵。
收工後娛樂比日本選擇多，有現場波睇已經值回票價喇，唔使淨係打機咁悶。Check吓機票，𠵱家坐維珍三千幾咋，比起日本，辛苦在要坐13個鐘長途機，但好少撞見香港旅行團，可靜靜瞓一覺。去倫敦入貨相信係新趨勢。
主持人：大食Jack
八卦熱報：