周星馳（星爺）前晚甫從上海返港，未及回家梳洗，即匆匆出席髮型師好友Eddie的美容店開幕，聲言「頭未洗、涼未沖」的星爺，在酒會上發現有大批記者，即不耐煩地離去，但他並非回家梳洗休息，竟一個人蒲蘭桂坊至深夜。
由周星馳（星爺）、陳啟泰及吳婉芳御用髮型師EddieWong開設的TripleEdge髮型美容中心，前晚假中環店舉行開幕酒會及派對，出席名人嘉賓包括周星馳、胡家驊吳婉芳夫婦、許晉亨、梁佩瑚、周汶錡周麗淇姊妹及名模Danielle等人。
EddieWong表示與多位藝人合作，數周星馳最令他有深刻印象，他說：「星爺個髮型雖然咁多年上落都唔大，但佢為自己電影角色塑造形象時，就好注重髮型設計，好似佢喺《少林足球》個紮馬尾look，就係佢留意到街邊啲托石油氣工人嘅流行髮型。」
前晚剛從上海返港的星爺，甫出機場便直往TripleEdge恭賀好友EddieWong，單拖出動的星爺，貫徹其搞笑本色，當他路經蘭桂坊附近的鏞記時，剛巧有大批記者採訪容祖兒晚膳，他即停步好奇地問：「喂！有乜嘢好影呀！」
星爺抵達TripleEdge酒會現場時約八時半，他甫踏入美容店即說：「啱嘞！我頭又未洗，涼又未沖，喺度洗頭先！」但進內時發現大批記者，他逗留不到兩分鐘便欲離開。此時Eddie一干人等叫星爺留下來參觀一會，星爺即說：「有乜睇啫，一眼睇晒啦！下次先啦！」說罷便急急腳離開。
但星爺離開後，並沒有直接返家，反之繼續一個人在蘭桂坊一帶徘徊，未知是否欲發掘更多街邊的事物動向。當記者昨日凌晨發現他蹤影時，星爺說：「喂，我得一個人咋喎，你哋重跟住我？」記者與他開玩笑說：「你靚仔吖嘛！」星爺完全受落說：「咁又係呀！」十分搞笑。
採訪：JessicaNgan、ChenMuiHeung、StephenieYeung
攝影：KennyMa、ChenWaiOn、ChanKwingWai