踏入2002年年頭，各大汽車代理正部署緊新一年嘅賣車大計時，亞Mark收到最新消息，話寶馬代理又再一次減價出擊，以圖爭取更高市場佔有率。家陣買全新2002年版嘅318iA四門轎車，比原來價錢再便宜多兩萬幾，只係28萬咋！而最多人選購嘅320iA同325iA亦分別減咗四萬多，分別賣30萬5千同35萬6千幾。重有頂級嘅330Ci轎跑車，亦由原來48萬1千嘅定價，下調至42萬9千幾㖭！以唔使30萬嘅價錢，就可以擁有到一部德國一線嘅轎車，難怪近期日本中型轎車市場愈見萎縮啦！有意轉揸歐洲車嘅朋友，就要行快步訂車喇！事關亞Mark有朋友前車可鑑，兼且自消息一傳出後，唔使一個星期就已經賣咗百幾部，如果唔係遲嚟遲交車就唔好啦！