古天樂和方力申昨日齊出席名表TAGHeuer的記者會，Heuer第四代家族成員JackHeuer更親自送了兩隻分別價值一萬多元的手表給古仔和方力申。
古天樂及方力申（Alex），昨日到灣仔君悅酒店，出席TAGHeuer（豪雅錶）舉辦的記者招待會。TAGHeuer家族的第四代成員JackHeuer更即席贈送了兩款不同的腕表給二人，古仔選了一隻價值一萬七千八百元的Monaco腕表，而Alex獲贈價值一萬六千八百元的Monza手表。
古天樂親自挑選了一隻復刻版的賽車手表，他說：「我有儲表嘅習慣，我重會將十幾隻表放晒入開工袋入面，咁樣可以方便襯衫，而最貴一隻表係價值四、五萬嘅勞力士。」古仔還表示其開工袋內放了七至八部手提電話，他解釋這樣可以於必要時借給朋友，而自己亦喜歡更換新電話。
原來，古仔想開拍一齣有關賽車的電影，不過龐大的資金及保險問題，故令其夢想落空。他慨歎地表示：「𠵱家好多藝人買車都唔受保，因為保險公司覺得我哋會用架車拍戲。又或者當兩個藝人坐埋同一架車時，若果有意外發生，佢哋就要賠好多錢。」
而Alex則透露自己是趁空堂時抽空出席這次活動，他說：「我其實想盡量出席所有活動，因為一冇嘢做嘅時候，我就會覺得身痕。」問Alex有否收集手表的習慣，他說：「冇呀，名表太貴啦，我根本買唔起。其實我之前都收過一隻TAGHeuer手表，而我都好鍾意呢個牌子，我覺得好啱自己嘅性格。不過我儲得最多嘅係秒表，因為游水時成日都要用。」
採訪：李珮洳
攝影：陳慧安