近排保安局推反恐法推得咁勇，未知局長葉劉淑儀係咪由睇戲攞到靈感。八方老友喺啱啱過去的星期日，偷得浮生走去西灣河電影資料館，畀廿蚊睇一代電影大師費立茲．朗（FritzLang）嘅回顧電影，點知一坐低，擰轉面就見到葉劉同兩個外籍朋友一齊。
葉劉咁有興致，原來為咗睇《間諜》呢套戲。八方老友話，呢套戲都幾蝦人睇，一來呢套係黑白默片，只有英文字幕，接近三個鐘咁長，而且套戲早在一九二八年拍，少啲代入感都睇唔掂。
不過，做得一代大師，一八九○年喺奧地利出世嘅費立茲．朗都幾好嘢，七十幾年前已經前瞻到資訊科技戰，厲害過好多現代人。話說主角在一個現代化辦公室，可以足不出戶就盜取到國家機密，並且對敵人嘅行蹤瞭如指掌；套戲更被譽為係希治閣英式驚慄片的先驅。葉劉專登去睇《間諜》，唔知偷到乜嘢師呢？
E-mail：