有危至有機，睇田北辰點樣扭轉九鐵劣勢，兼令自己一雷天下響，就明白呢句話點解。世事就係咁，你唔驚上立法會，就上都唔驚；楊啟彥唔想有個主席騎住自己，估唔到田二少又幫佢解圍。
八方噚日寫過田北辰喪母，昨日田家發訃聞。田老夫人名榮志文，但八方翻查所有手頭資料，都搵唔到佢同榮智健個榮家有乜關係，可能上海有好多人姓榮。
田老夫人喪禮會在周五舉行，唔係匆忙，而係做咗過年。遺體會葬去深圳大鵬灣，記得田元灝九二年辭世，亦係葬在該地。當年喪禮由大Sir鍾士元致悼詞，羅保、李鵬飛、張鑑泉等扶靈，極為隆重。
田北辰哀兵上陣，估唔到贏晒。
E-mail：