風生水起呢個餸，源於中國廣東順德、潮州一帶，傳統多用鯇魚為主要材料，百佳最近推介咗一款改良風生水起，以三文魚代替鯇魚，其他材料有紅蘿蔔、紅椒、日本蛋絲、日本酸薑、葱及檸檬葉等，將所有材料撈埋一齊食，酸酸甜甜，更有風生水起之意。由今日起賣到2月28日。
記者：葉少萍
銷售點：百佳超級廣場
上海名菜獅子頭好多人都聽過，金金黃黃的肉丸，新年宴客便最得體。但菜式中的肉丸要自己整都幾多工夫。如果想方便，可以買這隻雙滙牌出品的獅子頭肉丸。肉丸已熟，只需加入菜和上湯同煲10分鐘便成香噴噴的小菜。
記者：謝翠玲
銷售點：怡興凍肉
地址：石蔭邨北葵涌街市2樓M27