賀歲動畫《數碼暴龍02大電影》前晚首映，不少圈中人如張之亮、鄧梓峯、張兆輝、黎耀祥、余安安和黎燕珊等，都帶同子女往欣賞，包括張之亮的三胞胎和鄧梓峯的雙胞胎，足證數碼暴龍是現時小朋友的超級偶像。
鄧梓峯、張兆輝、黎耀祥、余安安、黎燕珊、張之亮和謝寧等，前晚帶同子女到灣仔會展欣賞新片《數碼暴龍02大電影》首映，現場一片闔家歡，溫情洋溢。《數》片將於本周六（九日）上畫，今年的賀歲兒童電影很熱鬧，除有《數》片外，還有《怪獸公司》和《多啦A夢大雄的宇宙飄流記》兩個選擇（詳見附表）。
首映搞手之一的商台DJ查小欣，前晚表示她本來邀請了王菲的女兒竇靖童一起觀看，可是查小欣前日中午接獲王菲經理人邱王黎寬的電話婉拒，謂不欲小朋友經常曝光。
張之亮前晚帶三胞胎兒子睇戲，而鄧梓峯亦帶來長女和一對孖仔同行，張兆輝和太太則抱着活潑可愛的兒子到首映禮，黎耀祥的兒子黎正橋面對鏡頭亦很精靈。而待產的唐浩雯，則由老公鄒世龍陪同到來，鄒世龍笑言專程為兒子取數碼暴龍的貼紙。
至於陳法蓉則跟張兆輝一家三口同來，原來他們十分稔熟。陳法蓉說：「我好明白圈中人另一半嘅慘況，所以我盡量識埋佢女友同老婆，咁佢哋會好放心。」
問陳法蓉怎樣過下周四的情人節，她說：「未知，我唔會亂應承人，怕萬一應約會俾人誤會，咁就浪費咗人哋一日，以為我利用佢食佢一餐，而且𠵱家冇人約我。」
採訪：甘比
攝影：黃文成