劉德華在賀歲片《嚦咕嚦咕新年財》中，扮演仁義麻雀大俠，經常劫富濟貧。拍攝煞科一場百人於大浪灣開枱的大場面時，華仔身穿紅色長衫顯宗師氣派，與一班徒兒在沙灘上竹戰耍樂。
劉德華、梁詠琪、古天樂和劉青雲主演的賀歲片《嚦咕嚦咕新年財》，將於本周五（八日）上映。此部以打牌為主題的電影，同期要挑戰《天下無雙》和《嫁個有錢人》兩部港產賀歲片。
今次導演杜琪峰透過華仔所飾演的麻雀大俠，專贏有錢人的錢來幫助窮人，華仔又經常到窮人家陪公公、婆婆打牌，十分有人情味，最後他更贏得麻雀王大賽，成為真正的麻雀王。
為了增加華仔的雀王氣勢，在結尾的一場戲，導演特別安排在大浪灣拍攝華仔桃李滿門的場面，與一班麻雀徒兒在沙灘攻打四方城耍樂。為突出華仔一代宗師的氣派，他還穿上紅色長衫，甚有新年氣氛。
杜琪峰昨日接受電話訪問時說：「今次我同韋家輝選擇拍打牌題材電影，完全係因為麻雀好適合新年氣氛，而且任何階層人士都會有興趣打牌。我拍過咁多部愛情喜劇，所以今次都想轉新戲路。」
對於同期的兩部港產片，杜琪峰說：「其實大家嘅戲種唔同，好難比較。不過我同韋家輝就覺得現時經濟唔好，好多市民都要逆境求存，所以想拍一部富有人情味嘅喜劇，等大家可以睇得好開心。而一個有仁心嘅麻雀大俠可以打救窮人，相信會係現時好多香港人嘅夢想。」