跟朋友酒過三巡，回味即劏田雞的鮮美的同時，有人提議友儕間來個交換父母的活動。
不是換妻，別慌。但交換父母，你估好玩？就說我母親，愈老愈糊塗，是預計之內的。但料想不到愈老愈黐身，社交網彈力大倒退，從魚網襪褲縮到得三個骨，恁你怎麼用勁也拉不上大腿。
阿媽，有點似家裏的貓，抗拒接觸陌生人。戀主人的怪癖嚴重到當主人不在時，不肯進食的貓，最似固執老人。細心留意，連牠的貓樣也似足你老媽。
老貓會燒鬚，老媽也會慌失失做錯誤的決定，做女兒的要收拾殘局。當老媽說，阿女，真係對你唔住咯。你實在不好意思提醒她，阿媽，這兩年間你已經道歉過十次了，希望你不要知錯唔改，愈踩愈陷。阿媽，你去曬曬陽光吹吹風，不是很好嗎？幹麼有大路不走，偏偏揀泥氹水踩。阿媽，你唔係老花成咁係嘛。
老媽聽大個女的你教訓時，似貓仔柔順；但回到自己地盤，故態復萌，又試為不值一哂的冤孽谷氣，傷身喊痛時會對你喊，阿女，阿媽條腰，好慘呀。
你聽到火滾。可你明白，阿媽就係論論盡盡，千人一面，朋友間換來換去，分別不大。所以我另發浮想，最好僱用職業孝子侍奉老媽。「春季嘉年華」吸引大批短工，「問候你阿媽」長工更易打，適合食緊穀種的人才。廣州比香港已經先有這項另類服務，我們的失/創業大軍還等甚麼？