呢排市場咁靜，好多網絡商都免埋$100SIM卡費博你上台，亦有啲Dealer私自Free埋$40過台費，刺激吓市場！不過王子發現，「九哥台」都比較有新意，出咗個專為SMS而設嘅通話計劃（SMS計劃？），$118包118個短訊，不設通話分鐘，額外收費就係一蚊一分鐘。呢個Plan相當冇智慧但係有新意，家吓成街咁多SMSPackage，隨手拿個都平過佢啦！重要係唔包增值服務，就算未開放SMS市場時都唔係咁吸引。除非你想Send嘅對象係用緊「九哥台」就另當別論啫，家吓各台申請個$20Package已經有幾十個短訊玩，呢個套餐都可算正式法國大餐囉！