「我先生咁快離開我兩母女，令我受到好大刺激同壓力，可能因為咁樣，搞到我個癲癇病發作得愈嚟愈密，試過有次買完餸返到屋企樓下，突然之間發作，之後要管理員叫白車送我入醫院。」三十三歲的陳彩娣說。
阿娣原本擁有一個幸福家庭，惟她的五十一歲丈夫洪成於去年二月猝死，剩下她與就讀小三的九歲女兒，依靠微薄綜援金維生，然而，患有癲癇症的阿娣近月病情轉趨嚴重，她雖然已於公立醫院登記排期應診，惟卻要等到三月才到期覆診，阿娣無力支付專科私家醫生高昂的診費，又怕病情一旦惡化入院，女兒便會乏人照顧，阿娣無計可施下，只得選擇返回內地江門的醫院就診，雖然診金較為便宜，但已教經濟本已緊絀的她大感吃力。
「𠵱家就嚟連開飯錢都冇，綜援要到月中先出，我嘅壓力真係好大，如果唔係有個女要照顧，我都唔想做人。」阿娣激動地說。蘋果日報慈善基金有見阿娣的苦況，即時撥款三千元讓她應急。「真係多謝晒，只要捱到下個月，我就可以喺政府醫院覆診，到時開支就唔會咁大。」 捐款編號：C0127
1.到恒生銀行（包括地鐵站分行）填妥蘋果基金專用入數紙
2.直接存款入香港滙豐銀行帳號：580-198836-001
3.劃線支票抬頭請寫「蘋果日報慈善基金」
4.透過美國運通卡、萬事達卡、Visa卡扣數（須填妥捐款表格）
＊捐款人連同入帳收據（捐款方法二），或支票（捐款方法三）及個人資料寄回：九龍將軍澳工業邨西駿盈街八號「蘋果日報慈善基金」電話：29908688
暖流熱線
電話:29908688
傳真:23702192
電郵:
網址：