寧與前夫傾心事
超瓊冷對楊其龍公開獻吻

上周末在香港癌症基金會晚會上，帶着醉意的楊其龍（Gilbert）在完場時，先強吻然後緊擁前女友何超瓊。
前晚何超瓊（Pansy）出席假澳門旅遊塔會展娛樂中心舉行的《盜海豪情》首映禮時，記者問Pansy，楊其龍此舉是否意味着二人復合有望？Pansy笑說：「嘩！我哋三個人（指還有MaggieQ）一齊喎，唔通話我同MaggieQ復合咩。」

被吻心情混亂
那Pansy被吻被擁的心情如何？她說：「咪好混亂囉，亂七八糟呀，我差啲仆親㖭呀！」
再問Pansy會否覺得被Gilbert「輕薄」及利用？Pansy說：「咁當然係覺得有啲突然啦，但係唔可以俾佢利用嘅，佢心情好嘛！」
記者再問Pansy，如何形容與Gilbert現時的關係？她說：「我諗講唔上係好朋友，咪係一個識得嘅朋友囉。」

「佢攞我嚟玩」
但該晚所見，Pansy似有迴避Gilbert之意，她說：「我梗係怕大家有誤會啦，總之我重申，佢係貪玩啫，但係今次就攞着我嚟玩，同埋同你哋開玩笑囉！我覺得大家應該豁達啲原諒佢，我都原諒咗佢咯！」
而前晚首映禮，Pansy前夫許晉亨亦有出席，Pansy說：「始終我同Gilbert唔算識咗好耐，但係同Julian（指許晉亨）就有心事可以傾到嘅。」