一班經常在電台、電視台及報章發表股市評論的本地分析員噚日中午開記者會，宣布成立香港專業財經分析及評論家協會，會員包括鄧聲興、麥萃才、鄺民彬、李錦等等；陸叔當然係座上客，他寄語同業要有水準，唔好亂講一餐。八方睇《信報》昨日之「原氏物語」論股評家良莠不齊，希望佢哋「嚴謹認真」，語重心長。
協會主席林家亨話，成立呢個會正係希望滙集一班評論員，透過活動提升業界水準及專業操守，暫時已經有一百個會員，預期將來可以增加到一千個。駐上海的渣打銀行中國區總裁黃遠輝都係會員，專門負責在國內搞關係，可惜佢由於工作關係未能回港出席噚日的記者會。
﹙圖﹚曾淵滄（右）昨日去財經分析及評論協會成立儀式；捧林家亨（左）場，中為譚紹興。
E-mail：