政治點凶險，九鐵事件係最好注腳。正因如此，政治公關大有市場。八方噚日收到帖，「世聯集團」已擇吉在十八號成立。呢個集團，老細有盧子健、林乃仁、曾立基、李鑾輝、何安達同麥黃少珍。據知世聯同其他姊妹公司隸屬同一個集團，而管理層則揸控制股權。
盧子健、林乃仁唔使介紹，曾立基係財經公關老手，李鑾輝、何安達乃資深傳媒人，轉行做公關好耐。
至於麥太，可能陌生啲，其實佢好威，未入呢個集團前，麥太掌管中電公關部，一百周年回饋用戶等招數係佢傑作。
咁嘅組合，又係北京上海有分支，應有一番作為，九鐵要搵人幫手，可以諗諗喎。
E-mail：