「王小姐單身日記」係乜？大家可能睇到一頭霧水。八方噚日見到民建聯講香港與深圳兩地消費數據，同日亦收到法資大經紀里昂證券嘅報告，就係講港深兩地嘅生活成本。為評估實際事情，里昂派出兩位分析人員搬去深圳住一星期，但返香港返工，最後寫成呢份「王小姐單身日記」直擊報告。
呢份報告結論係一旦將交通費用同交通時間計算在內，深圳一般住宅每平方呎平一千一百港元之優勢即所剩無幾。香港樓市重有得玩。
八方對呢個調查結論不感意外，但覺得里昂派人做實地考證幾好，希望嗰啲經常「得把聲」嘅官員或議員都做啲實證工作。順便講句，里昂最出名嘅風水指數將於明日面世，想知馬年財運如何，就要留意。
E-mail：