九鐵風波終於鬧上立法會，咁啱又係星期一。過去逢係星期一，八方都收到一啲關於九鐵嘅消息，點解咁巧合就唔明解。
不過，今日行政會一定唔會拍板話條中環沙田線畀邊個做；雖然，吳榮奎局長話政府批標只考慮標書內嘅條件。但風頭火勢，行會又點會咁笨，講開又講，前幾個禮拜盛傳中環沙田線上行會，點知煲呔曾忽然病咗請假，莫非佢收到風？九鐵風波連最勇嘅議員都話因為條中環線，但佢都諗唔明，邊個將件事玩得咁出色？最大嫌疑當然係九鐵嘅對手地鐵，但世事冇咁簡單，八方聽高爾夫界傳言，傳咗一個好大好大嘅名出嚟，因為冇證據，所以唔可以寫住。
E-mail：