由羅傑承力捧的女子組合B2，去年成績差強人意，風頭更被人氣組合Twins掩過，但近日B2突然發力，本月一日推出的新唱片《娥世代》更榮登HMV唱片銷量榜冠軍，打低強敵Twins，成績令人意外。
去年聲勢遠遜Twins的二人女子組合B2，近日剛推出的新大碟《娥世代》，出碟時間不足一星期，但昨日在大型唱片店HMV最新一期的唱片銷量榜中，首次上榜的B2就竟可以砌低強勁對手Twins，將Twins的《雙生兒》壓落第二位，實在叫人感到意外。
大型唱片連鎖店HMV各分店登出的本地唱片銷量榜顯示，在本月一日才推出新碟《娥世代》的女子組合B2，昨日登上HMV榜的第一位，而走勢凌厲的Twins賀年唱片《雙生兒》亦被B2踩住，被迫做阿二，至於謝霆鋒的新碟，以及《麥兜故事》原聲大碟分別屈居第三及第四位。
去年無論唱片成績或風頭，B2都被Twins掩過，在剛過去的樂壇頒獎典禮，B2亦是空手而回，但近日為B2挽回頹勢，唱片公司不但花費近百萬宣傳催谷她們，近日他們更花費二十萬買下在佐敦彌敦道的大型廣告牌來宣傳新唱片，跟Twins同一個位置賣廣告，實行來個埋身戰。
B2離奇贏倒Twins，B2的唱片公司BMA董事李玉霞說：「佢哋有咁嘅成績一啲都唔奇，因為B2轉咗形象之後都大獲好評。佢哋能贏倒Twins，可能同Twins呢張賀年碟嘅成績冇之前嗰啲咁好有關。」至於英皇藝人部總經理霍紋希則說：「咁咪好囉，百花齊放嘛！有時我贏有時你贏，無所謂啦。」