郭富城昨日出席在銅鑼灣時代廣場舉行的香港旅遊發展局宣傳活動，並即場被委任為「動感之都：就是香港！」大使。城城在年初一更會參與在添馬艦舉行的「2002國泰航空國際滙演賀新禧」花車巡遊活動，到時他會坐由馬匹拉行的花車出現。
城城說：「我好開心佢哋委任我做大使，為期一年。我諗住作一首歌做呢個活動嘅主題曲嚟歌頌香港，重打算自己排埋舞，我希望自己唔止以歌手嘅立場，亦係以市民嘅立場去推動香港旅遊業，花車巡遊嗰日我會叫埋屋企人去，因為花車巡遊代表好運，我都想屋企人好運嘛！」
記者問城城是否想行桃花運，他想了想後說：「我冇諗過吖，不過有都好嘅，即係代表多人鍾意我啦！」
採訪：胡比
攝影：仇志德