近排，市場又流傳有代理易手嘅消息，而且甚囂塵上，講到好確切咁！予頭所指嘅正係日本萬事得汽車；事緣早輪佢哋將公司嘅名字，由原來嘅萬事得（香港）改為萬事得（南中國），但就唔係好多人知道，因而令傳言有更多揣測。之不過，據亞Mark最近打聽得知，代理權易手及收購嘅消息只係謠言一則，皆因今年萬事得正布署有多款新車推出，而被傳會出價收購嘅集團，佢哋嘅高層亦未有異動，加上早排佢哋旗下兩個汽車品牌，重要修身重整架構，睇嚟2002年嘅上半年仍然會較為平靜。反觀，新改名嘅萬事得香港代理，繼早前引入東瀛本土特別版嘅CapellaSilver大受歡迎後，嚟緊佢哋重會有多部特別版新車抵港㗎！大家不妨拭目以待喇！