三月份人大政協又喺北京開大會，近排各地方省市人大政協陸續開鑼，八方睇報紙成日見到有香港人被增補選入地方政協，但唔知有乜準則可以做尊貴嘅政協委員呢？
有個高人同八方講，內地流傳有個講法，話要做政協委員有「四大優先條件」，就係「無知少女」！嘩，乜解救？原來，「無」係無產階級；「知」係知識分子；「少」就係年紀輕；「女」當然係指女性。
聽落，「四大條件」嘅後三項可以話合乎𠵱家國內政治改革嘅潮流，即係提倡知識化、年輕化同埋提高女性地位，但係第一項八方就諗極都唔明，𠵱家國內唔係乜都講錢嘅咩？無產階級早唔興囉，不如做負資產階級重in啦！
E-mail：