行政署署長黃灝玄同一眾副手日前同班行家食午飯，席間各人又再追問九大公營機構高層薪酬檢討進展，黃公公就話快同顧問公司簽約，但係要花幾多錢同邊間做就唔講得住，其實做呢科嘢嘅顧問公司只有幾間。當然呢九間重磅型嘅公營機構各有不同，甚至有人提醒當局喺九大行星中地鐵同金管局地位特殊，唔好亂叫。
黃公公作為大內總管，老頂煲呔畀落嚟要做嘅檢討，當然唔敢怠慢，佢承認政府部門啲管理欠靈活性，唔可以話炒就炒，話轉就轉，所以八大黨迫佢哋凍結首長級人數，一人換一個，實在好難從命。
黃公公又猛咁叫八方，唔好叫嗰啲自願提早退休嘅高官做庸官，因為咁唔公平，如果真係庸，就已炒咗，咁你叫佢點去見人呢？至於行咗部長制後會有乜變化呢，公公話唔亂估喇，到時先至算。
（圖）黃公公承認政府管理唔靈活，但係就唔可以話炒就炒啲高官。
E-mail：