公務員隊伍最近經常俾人「抦」，公務員事務局局長王永平已經全力撐住，但似乎仍然唔係好夠力度。噚晚公務員事務局贊助港台《飛越工作間》拍咗一輯有關政務官工作的節目，重搵咗煲呔曾粉墨登場，喺節目尾段，煲呔出席一個政務官迎新會，向一眾新丁教路。
煲呔話，如果唔自負，就唔會被取錄做政務主任，但係喺工作過程入面就要識收斂，愈係收斂，就愈快成功，重要虛心學習「如何應付立法會議員的無理心態」！
不過，八方就覺得，煲呔呢句說話就真係反面教材，咁樣形容班尊貴立法會議員，好明顯係唔夠收斂，他朝呢班新丁都有機會安排去立法會「貼身」拉票，重可能連議員去洗手間都要跟到實，咁樣破壞班新丁對議員印象，又點可以搞好行政立法關係呢？
（圖）煲呔曾教人收斂，不過佢自己都好似做唔到喎。
E-mail：