呢個星期最引人注目嘅新碟只有一隻，就係剛剛得到最佳女主角妮歌潔曼所主演嘅《不速之嚇》（3區）。
戲新（連1區都未有），故事唔錯，3區碟有中文字幕，再加埋價錢只係$60，原本呢隻碟真係必買！點知將隻碟一放入機，播唔夠十五分鐘，竟然有字幕唔夾口形情況出現，最慘係演員未講嘢，啲字幕就好似未卜先知咁出晒嚟，搞到成套戲都冇晒驚嚇，真係激鬼氣。
而更慘嘅情況，係就算攞去換碟都冇用，因為幾箱碟入面，全部碟都有類似嘅情況，真係畀你點換都冇用！
據一啲DVD舖表示，《不速之嚇》今個星期中至尾會有新一批貨返，而且呢批碟應該唔會再出現類似情況，如果你唔小心買咗《不速之嚇》未卜先知版，記得到時到候攞返去換呀！
將大師杜魯福的名片《蛇蝎夜合花》以後現代的角度再拍一次，講一個女人如何欺騙男人的情和錢，影片着重了女主角安祖蓮娜祖莉的性感激情演出，不斷轉動的鏡頭令場面好像很熱鬧，劇情到後段變得混亂拖拉，不過單看女主角已值回票價。
文：睇碟王