讀者阿強：
本人有以下問題，請代為解答：
1.本人如經拍賣行投得一部柴油四驅車（退役政府車輛），究竟可否出牌（如私家車或貨車登記）呢？而出牌手續又應該係點呢？
2.如當作貨車出牌時，該車嘅乘重量係點樣釐定呢？係由廠方提供定係由運輸署決定呢？
阿強：
首先多謝閣下嘅傳真，現謹覆閣下的問題如下：
1.由於香港法例規定，所有私家車都唔能夠用柴油引擎，所以你喺拍賣行所投得嘅退役政府柴油四驅車，一定無可能出到私家車牌，並只可以出貨車牌罷了。另外，以一部退役政府四驅車出牌嘅過程，最快都要四個月嘅時間；而購買政府退役車輛嘅最大問題，就係要重新驗車，即是將之當作一部新車嚟檢驗；首先係驗環保（即噪音及廢氣），而事前必須搵一間政府指定嘅噪音及廢氣檢驗中心進行測試，取得有關方面嘅合格證明書，才可到運輸署申請驗車出牌。
過咗驗環保呢關後，你又要準備呢部車嘅原裝規格表；因為有部分政府車輛因公事需要而將車廂改裝，最普遍係改裝車內嘅座椅，一旦座椅同原廠規定嘅尺寸有偏差，都屬於不合規格。而非警隊嘅紀律部隊四驅車，可能係由軍部賣出，並往往會被改裝得面目全非。
要留意嘅係，當申請驗車出牌時，運輸署會核對車名及型號，例如好多警方嘅四驅車車頭，都會貼有LandRover110嘅型號牌，但賣車時政府所交予你嘅文件，上面卻係Defender110，咁樣就會有好大問題，因為運輸署會以車身型號不對而拒絕申請出牌。另外，車身同機器方面要無鐵銹及漏油情況，而煞車系統、廢氣催化、輪胎尺碼等都要合乎指定嘅規格。而呢種大驗車，通常要早於一個多月前申請。
同時，柴油車除咗廢氣及噪音嘅標準較嚴外，以貨車出牌更要將最尾排嘅座椅拆去，並將尾窗封上不透明嘅膠板，又要喺車廂同乘客席之間裝一個大鐵網。如果你所投得嘅車輛，係短陣兩門版的話，咁就只剩下司機同一個乘客席喇。
2.一般嚟講，你手頭上嘅退役政府四驅車，應該係當作五噸半以下貨車出牌，而大部分政府四驅車運輸署已有
如果大家對汽車有任何問題，可傳真或郵寄畀我哋，我哋會盡快為你解答。
傳真：27420542
郵寄：香港將軍澳工業邨西駿盈街八號《蘋果日報》副刊「車天車地」版「汽車Q&A」收。