Bandai繼MG版雷射大炮後，接着推出新款模型「HG版諾耶．捷爾」，以及SD高達系列嘅原創機體「骷髏高達X2號機」。唔好以為幾十蚊一盒手工好差，其實媲美MG系列。趁就快過新年，唔使一百蚊，買晒兩隻番屋企玩吓。
文、模型製作：姚兆偉 攝影：陳智良
諾耶．捷爾係「高達0083──星塵作戰」中出過場嘅機動堡壘（簡稱MA），由自護軍皇牌機師賈圖繼GP-02報銷之後嘅試驗型專用機，武器威力與戰艦匹敵，機動性重強好多，片中同GP-03D戰鬥嘅經典場面令人讚歎不絕。
HG版「諾耶」只做到1比550，但仍約有14cm高，細微部分刻工細緻，連小巧頭部都可轉動。雖然完成品比較細隻，仍物超所值。
諾耶．捷爾主要武器係布滿全身嘅圓錐炮，4隻輔助手臂太細隻，不能郁動。一支激光劍身則套在輔助臂前端。兩隻主手臂前截可脫下，加上鐵線後，變成線控式鐵爪及粒子炮。上色時用綠渣古專用淺綠色，效果與色版完全一樣！
骷髏高達X1號（SD高達系列59號）於去年推出，最新2號機為同時期開發，以高達F91及死亡先鋒部隊維拿．基拿作設計藍本。同1號機比較，2號機頭部不同，武器除有激光槍，重加多支激光長矛。背部X形噴射器可各自活動，心口裝甲脫除後可見到駕駛室。
地址：葵涌廣場C156B舖
電話：24244388