深受章小蕙和寶詠琴等名女人追捧的英國名牌Voyage，因欠債三千三百多萬港元而結業，面臨清盤。Voyage的擁躉、早前被裕泰興追二億多元債項的章小蕙，昨日表示打算找Voyage的設計師，斟洽其作品放在自己的店舖售賣。
深受章小蕙、寶詠琴、馬薛芷倫和黎瑞恩等名媛明星喜愛的英國名牌Voyage，其位於倫敦FulhamRoad的總店近日結業。據英國《旗幟晚報》昨日報道，Voyage欠債三百萬英鎊（約三千三百萬港元），面臨清盤。
Voyage由意大利家族Mazzilli主理，而Voyage清盤的消息之所以曝光，乃因為一間時裝公司向Voyage追討三十五萬英鎊（約三百八十五萬港元）債項不遂，而揭發其總店已結業。
據清盤官AndrewWeston表示，Voyage應該於昨日或今日正式清盤，但清盤官表示希望能找到人接收Voyage的生意，繼續經營下去。清盤官證實Voyage欠債達三百萬英鎊，並謂不會所有人都能追回欠款。
一名不願透露姓名的債主說：「Mazzilli家族以前係威係勢咗一排，佢哋嘅生活就好奢華！」
更有人指主理Voyage的Mazzilli家族，其生活奢華程度達荒唐的地步，又指他們花了不少錢在《Vogue》和《VanityFair》等雜誌賣廣告，找來家族成員在廣告中擺甫士，完全不是宣傳時裝生意，只是宣揚虛榮而已。
Voyage一件衫的價錢可貴至二千五百英鎊（約二萬七千五百港元）。而主理Voyage的Mazzilli家族，因其怪行，亦被稱為時裝界的愛登士家庭。
英國Voyage店欠債三千多萬面臨結業，早前被裕泰興入稟追二億五千萬、香港Voyage熱始作俑者章小蕙則依然在中環開舖，頑強面對。
記者昨日致電Voyage擁躉章小蕙，她聽到Voyage在英國的店舖停業及面臨清盤的消息後，反應非常愕然，章小蕙說：「係咪真㗎？如果係，我會打電話過去畀Voyage個設計師Louise同佢老公了解吓，因為我同佢哋一家人都好熟，以往我每次去英國，都會去佢舖頭搵佢哋傾偈。」
Voyage停業，章小蕙有她的見解。她說：「Voyage個老闆係好有才氣嘅人，時裝事業去到高峯期時就自然會滑落，因為時裝係一個循環，花無百日紅，與其生意處於膠着狀態，倒不如將佢清盤，從頭嚟過。」
而Voyage在港未掀起熱潮前，章小蕙已是這隻牌子的擁躉，英國Voyage店更因此常有香港客人帶着章小蕙穿上Voyage的剪報，要求購買同款衫，因此令Voyage的設計師對章小蕙早有印象。
章小蕙說：「兩年前我開時裝店，已經同佢（Voyage方面）傾合作嘅事，因為佢見過我着佢啲衫嘅剪報，所以好鍾意我，佢哋好想我做香港代理，好多嘢都傾好晒，當時潘廸生都重未係Voyage代理。但最後因為我想Voyage只係我店舖其中一隻牌子，佢哋就想我將所有預算畀晒Voyage，所以最後合作告吹。」
不過Voyage停業，對於章小蕙來說卻是一個好機會，她說：「咁就好啦，我即刻同Louise聯絡，睇吓可唔可以傾吓，攞佢其中一個label放喺我時裝店，我好欣賞佢哋嘅手工同靈感，我想可以同佢哋合作到。」
黎瑞恩曾與友人在中環合資經營時裝店Tulip，並主力售賣Voyage，昨日黎瑞恩出席港台在廣播道總台舉行的「好男好女──馬年獻瑞好運來」活動時，對Voyage面臨清盤感到十分驚訝。
黎瑞恩說：「咁大劑呀！佢係家庭式作業㗎嘛，𠵱家市道咁差，不過對我本人影響唔係太大，我都唔係成日着呢隻牌子嘅衫，之前我哋公司都唔係代理，只係舖頭有得賣啫，不過我已經退咗股好耐。」