【本報訊】2002嘉士伯盃賀歲足球賽門票昨日首天預售，由於今屆有首次打入世界盃決賽周的中國隊角逐，門票預售反應理想，至今已售出近萬張門票。
由中國、斯洛文尼亞、洪都拉斯及香港聯賽選手隊角逐的嘉士伯盃賀歲足球賽，兩天賽事定在十二日（年初一）和十五日（年初四）假香港大球場上演，票價分三百八十、三百、二百二十、一百四十、八十元長者及學生票，足總售票時間為上午十時至十二時、下午一時至六時，而大球場售票時間為上午十一時至下午五時，周六、日照常售票。
昨日首天預售門票，足總在上午十時前，已有接近二百球迷排隊輪候，人群擠滿整個足總大堂，場面頗為墟冚。不過，在大球場售票處，在公開發售前夕，人龍只約一百，反應不及足總售票處熱烈。
足總昨日公布，首天預售加上內部認講，賀歲足球賽至今已售出近萬張門票，其中高價票已售出接近八成。
陳伯： 「以往年年都有睇賀歲波，所以今次買飛並唔係因為中國隊。我買呢十幾張飛係大年初一嘅，我哋會三代同堂一齊入場睇波。至於年初四會唔會入場，就到時至算。」
周先生： 「我十點幾到，發覺排隊嘅人比預期少，可能同足總又有得賣有關。今次賀歲波我當然捧中國隊場，我覺得佢哋好有機會喺香港捧盃，之但係世界盃小組出線，就....。」
良仔同學： 「新年睇波已經成為習慣，我哋今次買咗十四張飛，年初一同初四都有，到時我哋成班同學一齊捧中國隊場，氣氛應該唔錯。」