【本報訊】尖沙嘴鬧市綁架槍戰案中獲救的八十歲隱形富豪蘇澤棠，遇事後經過兩日休息後，昨晨精神奕奕如常上班，並首次開腔講述感受：「啲賊摸錯門搵錯人，我其實都唔係你哋講得咁有錢……啲賊好斯文，佢哋重驚過我！」他強調不認識賊人，相信不會再成為綁匪下手目標。另外，案中被捕的三名男子，其中一名持雙程證的姓黎內地男子，昨晚已被落案控以綁架罪，今早提堂，另兩名被捕澳門男子則獲准保釋候查。 記者：吳國威、梁偉權
事主蘇澤棠本周三上午被綁架，當日中午在尖沙嘴警匪槍戰中獲救，他因受驚在九龍塘又一村地錦路住所休息兩天後，至昨晨九時三十分，身穿藍色西裝、淺色背心，淺藍色間條恤衫、橙紅色領帶及架着茶色太陽眼鏡，「十分醒目」地乘坐由曾一同被綁架的司機駕駛的香檳金色豐田CAMRY房車離開住所，準備返回中環公司上班，在門外等候多時的記者紛紛擁上，司機連忙喝止記者：「唔好阻住，老闆遲啲講嘢！」當時身穿名貴套裝衫褲的蘇太陪伴在丈夫身旁。
蘇澤棠在車上從容不迫主動向記者打照呼，並精神奕奕中氣十足的回答記者提問。記者首先問：「兩個賊有無傷害你呀？」蘇澤棠笑說：「兩個賊對我好斯文，我冇受過辛苦，冇受過騷擾，喺車上亦無被綁過。佢兩個喺車上食煙，我叫佢哋開窗通氣，佢哋就連煙都唔食！」
性格節儉的蘇澤棠，平日由司機駕車送至尖沙嘴天星碼頭，自行乘船過海步行回公司以節省過海隧道費。記者打趣問他：「你𠵱家去天星碼頭搭船過海啊？」蘇耍手擰頭地說：「唔啦！唔啦！」之後便由司機駕車離去。
至早上十一時，蘇澤棠的座駕返抵中環砵甸乍街公司，發現又有大批記者在等候時，他自行落車大方地任由記者拍照，在記者簇擁下進入電梯前，再度接受記者訪問。有記者問他是否認識賊人。蘇澤棠說：「唔識！」並謂：「啲賊都好斯文，我冇事咪返工囉！」
又有記者問到有報道指賊人在車上用鐵鏈鎖起他，蘇笑說：「唔係，啲鐵鏈係我哋自己嘅，方便我哋啲老人家上落車嘛！」
對於有記者指出再有一名富商（李寶椿孫兒）被綁架，問他驚不驚？會否聘用保鑣？蘇澤棠反應強烈：「神經嘅！啲賊摸錯門搵錯人，我其實都唔係你哋講得咁有錢，無需要請保鑣！我諗以後都唔會再有人搵（綁架）我啦！」
雖然蘇澤棠多次強調綁匪對他好斯文，沒有受傷，但記者昨日發現他的左手手指貼上膠布，可能是綁匪逃走時，將他推出車廂時造成，蘇承認自己在綁架過程中好驚，他說：「我最驚嘅時間係喺彌敦道嗰陣，因為當時啲賊見到有差人同記者，啲賊重驚過我。」
說完之後蘇澤棠便返回公司內，至下午一時許，蘇澤棠的兄長蘇澄洲（八十四歲）與弟婦（蘇澤棠太太）離開公司，前往附近士丹利街陸羽茶室吃午飯，當時一眾記者都將兄當弟，沿途一直追隨訪問，但蘇澄洲只笑不語，直至進入「陸羽」後不久，「真命天子」蘇澤棠才與兩名朋友到達，記者才恍然大悟認錯人。
他們吃飯至下午二時半始離開，有記者問蘇澤棠：「係咪啲賊以為你有錢所以綁你呀？」蘇澤棠有點不耐煩表示：「梗係以為我有錢，其實我冇錢㗎！CID（探員）叫我乜嘢都唔好講！」
蘇澤棠之後返回公司，直至下午四時由司機駕車返回又一村寓所。