今屆浮羅交怡多日賽吸引到四十幾位來自歐美嘅傳媒，到大馬採訪整個比賽過程，當中有唔少記者都好關心黃金寶幾時會轉職業呢個問題，佢哋話阿寶已經二十八歲，年紀已經唔細，應該快啲決定，再遲恐怕更難。阿寶幾時轉職業重未知，但喺外國傳媒眼中確有一定地位。
噚日係吉隆坡直轄市的紀念假期，不過，就唔係有太多市民抽空到位處總理府嘅比賽現場觀戰，可能因為比賽地點離市區比較遠有關啦。比賽途中，仍有不少住喺就近的市民一家大細睇車，氣氛算唔錯，重有啲似家庭日。
昨日比賽時的氣溫平均高達攝氏三十八度，賽會為咗幫嘉賓同傳媒降溫，喺起點同終點嘅帳棚內，都加設咗把有噴水功能的大風扇，當你喺外面睇到身水身汗嘅時候，走近呢把風扇時，感覺就好身似置身喺室內冷氣房裏面咁涼快。