董特首身邊嘅紅人特別顧問葉國華最近周圍向啲高官推介一本國內讀物，個名聽落都幾悶，叫做《中國社會各階層研究報告》。葉顧問周圍同人講，趁三月北京召開人大會議前夕，值得花時間咪熟佢。
葉顧問講到本書不知幾巴閉，佢話呢本書係由中國社會科學院院長李鐵映喺九八年受命於中央搞嘅研究，分析現今中國大陸社會十大階層狀況寫成；重話呢本書其實係為咗推介江總嘅「三個代表」思想，可以話係為共產黨「轉軚」行資本主義提供理論基礎。究竟係咪真係咁猛料，八方都好想知，之不過聞說此書洛陽紙貴，北京廣州一帶都賣到斷晒市，𠵱家想搵本都好艱難。
E-mail：