呢個臉色紅潤的老伯係邊個？唔識唔緊要，佢嘅兩個「虎仔」就係人都識。佢就係民建聯阿頭曾鈺成同埋中央政策組要人曾德成兩兄弟嘅爸爸──曾勤。
今年七十七歲嘅曾老伯喺中華總商會做咗幾十年秘書，前幾年退休，生活逍遙自在但好低調，記得只係年前有次同曾主席兩父子出街飲茶，畀記者撞見過，平日甚少曝光。不過八方噚日有幸遇上，皆因曾主席做咗獅子會主講嘉賓，勤伯亦獲得朋友邀請，一於「上陣不離父子兵」。
同勤伯閒聊數句，發覺佢講話嘅聲線同曾主席好相似，八方問佢：「個仔孝順嗎？」勤伯笑到見牙唔見眼：「我梗係話孝順啦！」但老竇反過嚟聽仔演講，曾老伯都算廿四孝囉！
（圖）曾老伯噚日去聽乖仔曾鈺成演講，你睇佢笑得幾開心！
E-mail：