昨日香港工程師學會搞咗個「我立志做工程師」徵文比賽頒獎禮，要攞呢個獎都唔簡單，除咗寫得一手好文章，重要喺學校有好成績同積極參與課外活動，得獎者可以講得係品學兼優。頒獎嘅時候，有一對孿生姊妹先後出去攞獎，令八方眼前一亮，真係少有喎！孿生嘅人唔通攞獎都會一齊？呢對孿生品學兼優生，大家姐叫關佩玄，妹妹叫佩民，都係聖保羅男女中學中七理科班高材生，唔知佢哋係唔係心靈相通，兩人嘅參選作文內容都同樣寫想貢獻香港，日後投身工程師行列，為香港市民服務。
佢哋話兩個人都鍾意理科、鍾意打羽毛球、同樣報讀香港大學電子工程學系。佢哋重好有愛心，成日去醫院做義工，陪公公、婆婆玩，真係抵佢哋攞獎！
（圖）孿生姊妹家姐佩玄（右）、妹妹佩民（左）都想成為工程師。
E-mail：