阿董上任就快五年，一直都好保護家人，認為仔女兒孫及家庭生活與自己的公職無關，冇必要曝光。
過去幾年，八方逢過年過節一有機會就嘈吓阿董呢樣嘢，叫佢向傳媒公開溫馨生活片段，記者多啲料交功課之餘，又可以令市民對佢多啲親切感。但直至最近阿董先向「競選需要」屈服，靜雞雞擺咗八張絕少曝光的相片上自己個競選網頁。
其實啲西方政治家得閒就攬住老婆仔女同選民揮吓手、聯絡吓感情。阿董有心從政，都要做足全套，打家庭溫情牌點少得？呢批相從阿董嬰兒、少年、新婚到兒孫滿堂，見證咗佢肚腩日大、眉髮轉白的歷史進程，想考吓自己眼力，就要上去阿董的個人競選網頁睇吓（
（圖）呢八幅相，紀錄咗董建華嘅成長路，睇吓細個嘅董建華同現在有乜唔同？後生嘅董太，都幾靚。
E-mail：