潘廸生旗下廸生集團代理的Voyage專門店各大分店，昨日如常營業，對於英國Voyage面臨清盤一事，Voyage香港區代理市場部發言人崔小姐表示昨日已接獲英國方面通知。
崔小姐說：「其實佢哋冇話到結業，而係用咗underreceivership（接管期間）嚟形容佢哋嘅現況，而我哋只係作為佢哋海外代理，今個年度我哋都落咗定單訂今個春夏季嘅新貨，現時都唔知有冇貨返。」
崔小姐表示，雖然他們跟英國方面簽下合約，但暫時未有考慮追討問題，一切似乎言之尚早，而有關事件未有影響香港專門店的運作。
英國Voyage店因欠債而結業及面臨清盤，香港著名時裝設計師鄧達智對此說：「聽到呢個消息，都有啲唔開心，因為時裝界又少咗一個有特色嘅牌子啦，我本身幾欣賞Voyage嘅男裝，女裝感覺就麻麻啦，因為太複雜累贅。但係我好欣賞佩服設計師處理布料上嘅心思。」